Matou te muai faatulou ma le faaaloalo tele Samoa i ou paia, e amata mai le Taisamasama o le Tuimanua i Malaetele, seia paia Fili ma Puletuu le maota na tauilo ai malo. E i ai le manatu ma le lagona o le a taoto ia faavaitafe le sua ou paia faalupe masani, ae o le a fagatonu ia le malama ma vili tonu le ifi a Maina e faapea. Talu ai ona o tulaga ogaoga o lo o feagai ai le lalolagi ma le faamai oti, o le ala lea ua matou uia ai lenei auala saili seleni faaneionapo,(MyCausePage) ma matou faatalosagaina ai lau lagolago ma sau fesoasoani, aua taumafaiga uma ma tapenaga o le vaega faaupufai o le Faatuatua i le Atua Samoa ua Tasi (FAST) aua se manuia o lo tatou atunuu i le faiga palota o loma nei i le tausaga fou 2021. Matou te talitonu i lou finagalo malamalama, lotonuu ma lou titi faitama, o le a to mai ai lau pule to ma lau faaaloalo. O le a lava se foai ma se seleni o le a e maau i ai, matou te tali sapaia faatua eleele ma le agaga faafetai ma faaaogaina ma le tatau aua lo tatou faamoemoe. O lau foai paia, o le a fai lea ma ou sao taua e lagolago ai foi i le anavatau a le Faatuatua i le Atua Samoa ua Tasi (FAST) aua lava se manuia o lou aiga, lou nuu, lou atunuu, lau aganuu ma le Faakerisiano. Faamolemole faailoa i luga o le MyCause Page lou suafa ma lou alalafaga, aua o le a faailoa atu uma lava lo outou maau ma le alofa tulai i se taimi o muamua. E sili le manuia o le na te foai nai lo le na te talia. O lau lagolago ma lau tatalo, o le a manuia ai lo tatou faamoemoe. Faamanuia tele le Atua i lau foai. Faafetai Executive Representatives Australia Faatuatua i le Atua Samoa ua Tasi (FAST)